By Arvie Jane Dacara 
Niyanig ng sunod-sunod na lindol ang mga lugar malapit sa Dalupiri Island at Calayan sa lalawigan ng Cagayan nitong Lunes ng madaling-araw, ayon sa ulat ng Philippine Institute of Volcanology and Seismology (Phivolcs).
Ayon sa Phivolcs, labimpitong lindol na ang naitala hanggang alas-8 ng umaga, at ang pinakamalakas ay umabot sa magnitude 5.8 na tumama bandang 1:18 a.m., sa layong 25 kilometro hilagang-kanluran ng Dalupiri Island, sa bayan ng Calayan.
Ang lahat ng lindol ay tectonic ang pinagmulan, ibig sabihin ay dulot ng paggalaw ng fault sa ilalim ng lupa. Dahil mababaw hanggang katamtaman ang lalim, mas malawak ang naging epekto ng pag-uga sa Cagayan at mga karatig-probinsya gaya ng Ilocos Norte at Ilocos Sur.
Ayon pa sa ahensya, ang serye ng mga pagyanig ay senyales ng aktibong fault movement sa rehiyon.
Pinaalalahanan ang mga residente na maging mapagmatyag at handa sa mga posibleng aftershock na maaaring maramdaman sa mga susunod na oras o araw.
Laging nakatutok sa Pwersa Balita para sa mga balita na dapat mong malaman — kami ang Pwersa Balita!
Bisitahin rin aming mga social media accounts:
🌐 https://www.facebook.com/PwersaBalita/
📺 www.youtube.com/@pwersabalita
🐦 https://x.com/PwersaBalita
🎵 https://www.tiktok.com/@pwersabalita
📸 https://www.instagram.com/pwersabalita/
🧵 https://www.threads.net/@pwersabalita
Kenneth Marcos