By Arvie Jane Dacara 
Pinag-usapan ng mga opisyal ng Pilipinas at South Korea ang pagpapalalim ng ugnayan sa larangan ng kalakalan, pamumuhunan, at supply chains sa gitna ng pabago-bagong pandaigdigang merkado, ayon sa pahayag ng Ministry of Trade, Industry and Energy ng South Korea ngayong Lunes.
Sa isang pagpupulong sa pagitan ni South Korean Industry Minister Ahn Duk-geun at ng delegasyon ng gobyerno ng Pilipinas na pinamumunuan ni Frederick Go, Special Assistant to the President for Investment and Economic Affairs, tinalakay ang mga hakbang upang lalo pang mapatatag ang bilateral na kooperasyon.
Kapwa kinumpirma ng dalawang panig ang kanilang dedikasyon sa pagtutulungan, lalo na sa mga larangan ng critical minerals at renewable energy, kasunod ng pagtaas ng kanilang relasyon tungo sa isang strategic partnership noong nakaraang taon.
Noong 2024, lumagda ang Pilipinas at South Korea ng isang memorandum of understanding (MOU) para sa kooperasyon sa Bataan nuclear power plant project at sa pagpapalakas ng supply chain ng mahahalagang mineral.
Ayon sa ministeryo, ipinahayag ni Go na itinuturing ng Pilipinas ang South Korea bilang isang mahalagang katuwang sa kalakalan at pamumuhunan. Samantala, sinabi naman ni Ahn na may malaking potensyal ang Pilipinas sa larangan ng negosyo dahil sa mga reporma nito upang maging mas kaaya-aya ang klima para sa mga mamumuhunan.
Nagsagawa rin ang delegasyon ng Pilipinas ng isang business forum na layuning palawakin ang kooperasyon sa pagitan ng dalawang bansa.
“Patuloy ang pakikipagtulungan ng Seoul sa pamahalaan ng Pilipinas sa pamamagitan ng iba’t ibang economic cooperation platforms upang suportahan ang pag-unlad ng mga negosyo sa magkabilang panig,” ani Ahn sa kanyang mensahe ng pagbati para sa naturang forum.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita!
Bisitahin rin aming mga social media accounts:
Facebook | YouTube | X | TikTok | Instagram | Threads
Kenneth Marcos