By Arvie Jane Dacara 
Timbog sa ikinasang buy-bust operation ng mga otoridad ang isang itinuturing na high-value target sa kalakalan ng ilegal na droga sa Sulu nitong Lunes, kung saan nasabat ang nasa PHP6.8 milyong halaga ng shabu, ayon sa ulat na inilabas ngayong Martes.
Kinilala ng Philippine Drug Enforcement Agency (PDEA) Bangsamoro ang suspek sa alyas na “Bads,” isang 37-anyos na residente ng Sulu. Nahuli siya sa isang buy-bust operation na isinagawa sa kahabaan ng Serentes Street, Barangay Chinese Pier, sa bayan ng Jolo.
Ayon kay PDEA Bangsamoro Director Gil Cesario Castro, nakuha mula sa suspek ang isang kilo ng hinihinalang shabu, isang cellphone, at ang marked money na ginamit sa operasyon.
“Ang tagumpay na ito ay patunay ng kahalagahan ng pagtutulungan ng iba’t ibang ahensya ng pamahalaan upang mapanatili ang kapayapaan at kaayusan,” ani Castro, na pinuri ang kooperasyon ng PDEA, mga tauhan ng militar, at pulisya.
Sa kasalukuyan ay nakakulong si “Bads” sa himpilan ng pulisya sa Jolo habang isinasampa ang mga kaso laban sa kanya sa ilalim ng Comprehensive Dangerous Drugs Act of 2002.
Laging nakatutok sa Pwersa Balita para sa mga balita na dapat mong malaman — kami ang Pwersa Balita!
Bisitahin rin aming mga social media accounts:
🌐 Facebook
📺 YouTube
🐦 X (Twitter)
🎵 TikTok
📸 Instagram
🧵 Threads
Kenneth Marcos