By Arvie Jane Dacara 
Mahigit 10,319 na iskolar sa Caraga Region ang matagumpay na nakapagtapos ng kanilang Technical Vocational Education and Training (TVET) programs ngayong taon, ayon sa ulat ng TESDA-13 nitong Martes.
Ayon sa datos, 2,892 sa mga nagtapos ang sumailalim sa assessment, habang 2,723 naman ang nakatanggap na ng kanilang certificates of completion. Iniulat din ng TESDA-13 na umabot sa 55.4 porsyento ang employment rate ng mga nagtapos sa kanilang mga programa ngayong taon.
“Sinusubaybayan namin ang employment rate sa pamamagitan ng bagong tracking mode ng TESDA. Nagsasagawa kami ng census anim na buwan matapos makapagtapos ang mga iskolar sa TVET program,” ayon kay TESDA-13 Director Florencio Sunico Jr. sa Kapihan sa Bagong Pilipinas forum.
Top Provinces na may Pinakamaraming TESDA TVET Graduates
- Surigao del Sur – 2,866
- Agusan del Sur – 2,456
- Agusan del Norte – 2,085
- Surigao del Norte – 1,974
- Dinagat Islands – 938
Mga Natapos na Programa:
- Training for Work Scholarship
- Private Education Student Financial Assistance
- Special Training for Employment
- Rice Extension Services
- Universal Access to Quality Tertiary Education Act
- Coconut Farmers Scholarship
- Tulong Trabaho Scholarship
Iniulat din ng TESDA-13 na umabot sa 38,203 indibidwal sa rehiyon ang nakatapos ng iba’t ibang training programs ngayong taon.
- Surigao del Norte – 10,357
- Surigao del Sur – 8,566
- Agusan del Norte – 7,500
- Agusan del Sur – 5,976
- Dinagat Islands – 5,804
TESDABest 8-Point Agenda
Ipinaliwanag ni Sunico na kasalukuyang ipinatutupad sa rehiyon ang “TESDABest” 8-point agenda na tinutulak ni TESDA Secretary Jose Francisco Benitez sa ilalim ng administrasyon ni Pangulong Ferdinand R. Marcos Jr. Layunin ng agenda na mapabuti ang access sa TVET, iangat ang kalidad ng training, at tiyaking may trabaho ang mga nagtapos.
Kasama rin sa agenda ang:
- Pagpapaunlad ng Competency Standards at Training Regulations
- Pagtutok sa Employment Outcomes
- Flexible Learning at Facilities
- Global Competitiveness
- Pag-align sa Senior High School Curriculum at ladderized na edukasyon
Top Sectors para sa TESDA Programs
- Agrikultura, Kagubatan, at Pangisdaan
- Turismo
- Metals at Engineering
- Awtomotib at Land Transportation
- Konstruksiyon
Laging nakatutok sa Pwersa Balita para sa mga balita na dapat mong malaman. Kami ang Pwersa Balita! Bisitahin rin ang aming mga social media accounts:
Kenneth Marcos