By Arvie Jane Dacara 
Iniulat ng Department of Social Welfare and Development (DSWD) ang pagtaas ng bilang ng mga benepisyaryo na tumatanggap ng food assistance sa ilalim ng “Walang Gutom” program.
Ayon kay Tonyson Luther Lee, Assistant Director for Administration ng DSWD-Central Visayas, umabot sa 26,195 ang mga benepisyaryong pamilya na nakalista para sa Redemption Period No. 12 mula Enero 13 hanggang Enero 22. Mas mataas ito kumpara sa 13,170 na target na benepisyaryo noong Period No. 11.
Para sa kasalukuyang redemption period, sinabi ni Lee na 15,761 benepisyaryo ang nakatira sa 24 bayan at lungsod ng Negros Oriental. Samantala, 10,434 naman ang nagmumula sa 47 bayan at lungsod sa lalawigan ng Cebu.
“Ang Walang Gutom Program ay nananatiling nakatuon sa layuning mabawasan ang gutom at malnutrisyon ng mga low-income households, habang tinutulungan silang maging produktibong mamamayan ng bansa,” pahayag ni Lee sa Philippine News Agency.
Ang mga benepisyaryo ay maaaring mag-redeem ng food package na nagkakahalaga ng PHP3,000 gamit ang kanilang Electronic Benefit Transfer (EBT) cards sa mga partner retailers sa kani-kanilang lugar.
Bukod dito, may mobile stores din sa piling lugar na itinakda ng mga lokal na pamahalaan para sa mas madaling pagtanggap ng ayuda ng mga benepisyaryo.
Laging nakatutok sa Pwersa Balita para sa mga balita na dapat mong malaman. Kami ang Pwersa Balita! Bisitahin rin ang aming mga social media accounts:
Kenneth Marcos