By Arvie Jane Dacara 
Ipinagdiwang ng Armed Forces of the Philippines (AFP) ang ika-124 na anibersaryo ng serbisyong sibil sa Camp Aguinaldo nitong Miyerkules, bilang pagkilala sa mahalagang kontribusyon ng kanilang mga kawani.
Ayon kay Maj. Gen. Rommel Roldan, Deputy Chief of Staff for Personnel ng AFP, malaki ang papel ng mga sibilyan sa tagumpay ng operasyon ng militar.
“Ang dedikasyon at katapatan ng ating mga sibilyan ay mahalaga sa tagumpay ng ating organisasyon. Kayo ang gulugod na nagtitiyak ng maayos na takbo ng ating operasyon, at ngayon, ipinagdiriwang natin ang inyong serbisyo at sakripisyo,” sabi ni Roldan.
Sa seremonya, nanumpa ang mga bagong hirang at promosyonadong sibilyan, habang muling nangako ng katapatan ang mga tagapangasiwa. Pinarangalan din ang mga natatanging kawani at tanggapan para sa kanilang kahusayan at ambag sa organisasyon ng militar.
Libreng Sakay para sa mga Empleyado ng Pamahalaan
Bilang bahagi ng pagdiriwang, magkakaroon ng libreng sakay para sa mga empleyado ng pamahalaan sa LRT-2 at MRT-3 mula Setyembre 18 hanggang 20. Kinakailangan lamang magpakita ng employee ID. Ang oras ng libreng sakay sa LRT-2 ay mula 7 a.m. hanggang 9 a.m. at 5 p.m. hanggang 7 p.m., samantalang sa MRT-3 ay buong araw ng operasyon.
Laging nakatutok sa Pwersa Balita para sa mga balita na dapat mong malaman. Kami ang Pwersa Balita! Bisitahin rin ang aming mga social media accounts:
Kenneth Marcos