By Arvie Jane Dacara 
Isang hukuman sa Japan ang nag-absuwelto sa pinakamatagal nang nakakulong sa death row, matapos mapatunayang peke ang mga ebidensya sa kasong pagpatay noong 1966. Sa bihirang retrial ng 88-taong gulang na dating boksingerong si Iwao Hakamata, sinabi ng korte sa Shizuoka noong Huwebes na ang mga ebidensyang ginamit laban sa kanya ay “pinasinungalingan.”
Si Hakamata, na naaresto noong 1966 dahil sa umano’y pagpatay sa isang kasamahan sa trabaho, ang asawa nito, at kanilang dalawang anak sa isang kompanya ng paggawa ng miso sa Shizuoka, ay halos limampung taon nang nakabilanggo. Noong 2014 lamang siya pinalaya matapos lumabas ang bagong ebidensya.
Ang kanyang kaso ay ika-limang pagkakataon sa kasaysayan ng Japan matapos ang World War II na nagkaroon ng retrial na nauwi sa pag-absuwelto ng isang convict na nasentensyahan ng kamatayan. Ayon sa ulat ng Kyodo News sa Tokyo, ang apat na naunang kaso ay hindi na in-apela pa ng mga prosekusyon.
Sa kabila ng kaniyang kalagayang pangkalusugan, ipinaglaban ng kaniyang 91-taong gulang na kapatid ang kaso sa hukuman, dahil hindi na kayang dumalo ni Hakamata. Na-convict at nasentensyahan ng kamatayan si Hakamata noong 1980.
Noong nakaraang taon, sinabi ng Tokyo High Court na may “malakas na posibilidad” na ang mga pangunahing ebidensya sa kaso ay “itinanim ng mga imbestigador.” Ang mga prosekusyon ay naglunsad ng kaso batay sa limang pirasong damit na sinasabing suot ni Hakamata noong nangyari ang mga pagpatay.
Ang Japanese Supreme Court ang nag-utos ng retrial noong nakaraang taon, at ngayong araw, opisyal nang naabsuwelto si Hakamata.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin ang aming mga social media accounts:
Kenneth Marcos