By Arvie Jane Dacara 
Itinalaga ni Philippine National Police (PNP) Chief Gen. Rommel Francisco Marbil si Maj. Gen. Edgar Alan Okubo bilang pansamantalang Chief ng Directorial Staff, na ikalawang pinakamataas na opisyal ng PNP. Pinalitan ni Okubo si Lt. Gen. Jon Arnaldo na nagretiro noong Huwebes, at epektibo ang kanyang pagtatalaga simula ngayong Biyernes.
Si Okubo, na kabilang sa PNP Academy ‘Tagapagpatupad’ Class of 1992, ang mangangasiwa at magsi-synchronize sa mga gawain ng PNP Directorial Staff Offices upang suportahan ang operasyon ng mga Police Regional Offices at National Support Units. Mananatili rin siya sa kanyang posisyon bilang direktor ng PNP Civil Security Group.
Sa nakalipas, nagsilbi rin si Okubo bilang pinuno ng Directorate for Police Community Relations at National Capital Region Police Office. Inaasahan ang mas malawak na pagpapalit ng mga opisyal sa PNP sa mga susunod na buwan dahil sa pagreretiro ng ilang miyembro ng PNP Command Group.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin ang aming mga social media accounts:
Kenneth Marcos