By Arvie Jane Dacara 
Ayon sa mga maagang survey, mas mahusay ang naging pagganap ni Pangalawang Pangulo at Democratic nominee Kamala Harris kumpara sa kanyang Republican na kalaban, dating Pangulo Donald Trump, sa kanilang mainit na presidential debate nitong Martes (oras ng US).
Batay sa SoCal Strategies/On Point Politics/Red Eagle Politics survey, nangunguna si Harris laban kay Trump na may 53 porsyento kumpara sa 34 porsyento. Samantala, isang hiwalay na survey ng YouGov ang nagpakita ng mas mataas na agwat ni Harris na may 54 porsyento laban sa 31 porsyento kay Trump.
Ayon din sa Washington Post, sinuri nila ang reaksyon ng isang grupo ng undecided voters at mga botante mula sa swing states habang isinasagawa ang debate. Napag-alaman nila na karamihan sa mga botante ay nagbigay ng mas mataas na marka kay Harris, anuman ang kanilang intensyon sa pagboto sa darating na halalan sa Nobyembre.
Sa isinagawang pananaliksik ng Post, 23 na kalahok ang nagsabing mas mahusay si Harris sa debate, habang dalawa lamang ang pabor kay Trump. Sa 12 botante na nagsabing “malamang” susuporta sila kay Harris bago ang debate, lima ang nagbago ng posisyon at sinabing “sigurado” na silang iboboto si Harris, habang ang natitirang mga botante ay patuloy na pabor sa kanya.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin aming mga social media accounts:
https://www.facebook.com/PwersaBalita/
www.youtube.com/@pwersabalita
https://x.com/PwersaBalita
https://www.tiktok.com/@pwersabalita
https://www.instagram.com/pwersabalita/
https://www.threads.net/@pwersabalita
Kenneth Marcos