By Arvie Jane Dacara 
Japan at ASEAN, Magkakatuwang sa Pagtataguyod ng Makatarungan at Batay sa Alituntuning Sistemang Pangkalakalan
Nagkaisa ang Japan at ang sampung bansang kasapi ng Association of Southeast Asian Nations (ASEAN) sa kanilang suporta para sa isang rules-based multilateral trading system, lalo na ngayong humaharap ang pandaigdigang merkado sa mga hamon na dulot ng patakaran sa taripa ni U.S. President Donald Trump.
Sa isang joint statement na inilabas nitong Martes matapos ang online meeting ng mga economic at trade ministers, muling kinumpirma ng dalawang panig ang kanilang layunin na palakasin ang ugnayang pangkalakalan at pamumuhunan.
Pinangunahan ni Japanese Minister of Economy, Trade and Industry Yoji Muto ang pagpupulong, kasama ang kanyang mga katumbas mula sa ASEAN member states. Ayon kay Muto, nananatili ang pangako ng Japan na makipagtulungan sa bawat bansang ASEAN para sa sabayang pag-unlad.
Bukod sa kalakalan at pamumuhunan, napagkasunduan rin sa pulong na paigtingin ang pagtutulungan sa mga industriya ng makabagong teknolohiya, tulad ng next-generation vehicles, artificial intelligence (AI), at clean energy solutions.
“Ang Japan ay patuloy na magpapalalim ng kooperasyon sa bawat bansang ASEAN upang sama-samang umunlad,” ani Muto sa mga mamamahayag pagkatapos ng pagpupulong.
Ang nasabing hakbang ay patunay ng pagtutulungan ng rehiyon upang bumuo ng matatag na ekonomiya sa gitna ng mga umiiral na tensyon sa pandaigdigang merkado.
Laging nakatutok sa Pwersa Balita para sa mga balita na dapat mong malaman kami ang Pwersa Balita! Bisitahin rin aming mga social media accounts
https://www.facebook.com/PwersaBalita/
www.youtube.com/@pwersabalita
https://x.com/PwersaBalita
https://www.tiktok.com/@pwersabalita
https://www.instagram.com/pwersabalita/
https://www.threads.net/@pwersabalita
Kenneth Marcos