By Arvie Jane Dacara 
Kalihim ng DND na si Gilberto Teodoro Jr., Naghain ng Resignasyon; Tiniyak ang Tulong sa Pagtatanggol ng Soberanya ng Pilipinas
MANILA, PILIPINAS — Kumpirmadong naghain ng kanyang courtesy resignation si Department of National Defense (DND) Secretary Gilberto Teodoro Jr. ngayong Huwebes, bilang tugon sa kautusan ni Pangulong Ferdinand R. Marcos Jr. na naglalayong i-recalibrate ang pamahalaan matapos ang katatapos lang na midterm elections.
Sa pahayag na inilabas ng DND, sinabi nitong:
“Ngayong umaga, inihain ni Secretary Gilberto C. Teodoro Jr. ang kanyang courtesy resignation kay Pangulong Ferdinand R. Marcos Jr. Gayunpaman, tiniyak ng kalihim na patuloy ang DND at mga sangay nito, partikular ang Armed Forces of the Philippines (AFP), sa pagtupad ng mandato nitong ipagtanggol ang soberanya at integridad ng teritoryo ng bansa.”
Sa gitna ng pagbabago sa pamahalaan, tiniyak din ni Teodoro na magpapatuloy ang serbisyo-publiko na tumutugon sa layunin ng pambansang kaunlaran.
Ang kanyang pagbibitiw ay bahagi ng panawagan ng Pangulo sa lahat ng miyembro ng gabinete na magsumite ng kanilang courtesy resignation — isang hakbang upang muling suriin ang direksyon ng pamahalaan at tiyaking tugma ito sa kasalukuyang pangangailangan ng bayan.
Laging nakatutok sa Pwersa Balita para sa mga balita na dapat mong malaman kami ang Pwersa Balita! Bisitahin rin aming mga social media accounts
https://www.facebook.com/PwersaBalita/
www.youtube.com/@pwersabalita
https://x.com/PwersaBalita
https://www.tiktok.com/@pwersabalita
https://www.instagram.com/pwersabalita/
https://www.threads.net/@pwersabalita
Kenneth Marcos