By Arvie Jane Dacara 
Nagpahayag ng pasasalamat si Pangulong Ferdinand R. Marcos Jr. kay UAE President Sheikh Mohamed bin Zayed sa pagkakaloob ng amnestiya sa 143 Pilipino.
Sa isang social media post ngayong Martes, ibinahagi ni Marcos na nakipag-usap siya sa Pangulo ng UAE sa pamamagitan ng telepono. Tinalakay nila ang patuloy na pag-unlad ng ugnayan ng dalawang bansa at ang tulong na ibinibigay ng UAE sa Pilipinas matapos ang mga nagdaang bagyo.
“Buong puso akong nagpasalamat sa UAE para sa kanilang makataong ayuda sa gitna ng mga bagyo at pagbaha na tumama sa ating bansa,” ani Marcos.
Ibinahagi rin ng Pangulo ang kaniyang paghanga sa patuloy na pag-angat ng mga Pilipino sa UAE. “Nakakatuwang malaman na patuloy na nagtatagumpay ang ating mga kababayan at nagbibigay ng positibong ambag sa UAE. Malaki rin ang aking pasasalamat sa kabutihan ng UAE, lalo na sa kanilang pagbibigay ng amnestiya sa 143 Pilipino na nagdulot ng kaginhawahan sa maraming pamilya,” dagdag niya.
Ayon kay Marcos, malalim ang ugnayan ng Pilipinas at UAE na nakabatay sa parehong mga pagpapahalaga at mithiin ng kani-kanilang mamamayan.
“Inaasahan ko ang mas matibay pang pakikipag-partner sa UAE sa mga darating na taon,” pagtatapos ng Pangulo.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin ang aming mga social media accounts:
Kenneth Marcos