By Arvie Jane Dacara 
Ang bilang ng mga spam messages at tawag mula sa mga mobile phone sa South Korea ay umabot sa record-high nitong Agosto, sa kabila ng patuloy na pagsusumikap ng pamahalaan na pigilan ang mga hindi kanais-nais na mensahe at patalastas.
Mula Enero hanggang Agosto, nakapagtala ng 280.4 milyong spam messages at tawag na nai-report o na-detect ng Korea Internet and Security Agency (KISA). Tumaas ito ng 68 porsyento kumpara sa parehong panahon noong nakaraang taon, ayon sa ulat ng KISA.
Ang bilang ngayong taon ay katumbas na ng 95 porsyento ng kabuuang spam messages at tawag na naiulat noong 2023, na umabot sa 295.5 milyon.
Ang pagtaas ng spam mula Enero hanggang Agosto ay kapansin-pansin nitong mga nakaraang taon—mula sa 27.7 milyon noong 2022, umakyat ito sa 167 milyon noong 2023, at ngayo’y 280.4 milyon sa 2024.
Bilang tugon, nagpatupad ang mga awtoridad sa South Korea ng mas mahigpit na alituntunin simula sa unang bahagi ng taon upang pigilan ang pagdami ng spam, kabilang na ang mas istriktong pamantayan sa pagpapadala ng mass text messages.
Ayon sa kasalukuyang batas, ang mga tagapagbigay ng serbisyo sa komunikasyon ay kinakailangang magsagawa ng aksyon, tulad ng pagsuspinde ng serbisyo, kapag nakakita sila ng iligal na aktibidad na may kaugnayan sa spam sa kanilang network. Ang mga hindi susunod ay maaaring patawan ng multa na hanggang 30 milyong won (katumbas ng USD22,500).
Laging nakatutok sa Pwersa Balita para sa mga balita na dapat mong malaman. Kami ang Pwersa Balita! Bisitahin rin ang aming mga social media accounts:
Kenneth Marcos