By Arvie Jane Dacara 
Ang kontrol sa hukbong sandatahan ng South Korea ay nananatili sa kamay ni Pangulong Yoon Suk Yeol bilang commander-in-chief, ayon sa Ministry of Defense ng bansa nitong Lunes. Ito ay sa gitna ng kinakaharap niyang kasong rebelyon matapos ang pagdeklara ng martial law noong nakaraang linggo.
Noong Linggo, kinumpirma ng mga prosecutor na si Pangulong Yoon ay kinasuhan ng insurrection matapos ang kanyang sorpresang deklarasyon ng martial law noong Martes ng gabi, na agad namang tinanggihan ng National Assembly sa pamamagitan ng unanimous vote makalipas ang ilang oras.
“Sa legal na pananaw, ang kontrol ng hukbong sandatahan ay nananatili sa commander-in-chief,” pahayag ni Defense Ministry Spokesperson Jeon Ha-kyou sa isang regular na briefing. Sinagot nito ang tanong kung maaring manatili sa kapangyarihan ang isang suspek sa kasong rebelyon.
Temporaryong Pag-atras sa Estado
Ayon kay Han Dong-hoon, lider ng People Power Party, pansamantalang aalis si Yoon sa mga usaping pang-estado, partikular na sa diplomatikong gawain, habang papalapit ang pagtatapos ng kanyang termino.
Nang tanungin kung sakop din ng pansamantalang pag-atras ni Yoon ang kontrol sa hukbong sandatahan, tugon ni Han, “Sa tingin ko, oo. Kasama rito ang mga diplomatikong gawain.”
Ang sitwasyong ito ay nagdulot ng malaking tanong sa kalagayan ng pamamahala sa militar ng bansa habang nahaharap sa kontrobersya ang liderato.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin ang aming mga social media accounts:
Kenneth Marcos