By Arvie Jane Dacara 
Nagpakitang-gilas si Angel Mae Otom, isang Filipina swimmer, ngunit kinapos para makasungkit ng medalya sa Paris Paralympics nitong Miyerkules. Natapos ni Otom ang women’s 50-meter backstroke S5 final sa oras na 44.00 segundo, na naglagay sa kanya sa pang-anim na pwesto sa La Defense Arena.
Tulad ng inaasahan, itinanghal na kampeon ang Tokyo Paralympics champion na si Lu Dong mula sa China matapos magtala ng oras na 37.51 segundo. Siya rin ang may hawak ng world at Paralympic record na 37.18 segundo. Nakuha naman ng mga kababayan ni Lu na sina He Shenggao (39.93s) ang pilak at Liu Yu (42.37s) ang tanso.
Nasa ika-apat na pwesto si Sumeyye Boyaci mula Turkiye (43.30s), kasunod si Tully Kearney ng Great Britain (43.40s). Nasa ika-pito at ika-walo naman sina Sevilay Ozturk (44.19s) ng Turkiye at Iryna Poida (44.29s) ng Ukraine.
Si Otom, na isang third-year irregular student sa UP-Diliman College of Human Kinetics, ay nakapasok sa final matapos magtapos sa ika-apat na pwesto sa Heat 1 (44.03s). Itinala niya ang kanyang personal best time na 42.00 segundo noong nakaraang taon sa World Series sa Singapore.
May isa pang laban si Otom sa Paris Paralympics, ang 50-meter butterfly event na nakatakdang ganapin sa Setyembre 6. Siya na rin ang huling pag-asa ng Pilipinas na makakuha ng medalya matapos magtapos sa ika-anim na pwesto si Ernie Gawilan sa 400-meter freestyle S7 event. Si Gawilan, na tubong Davao City, ay hindi rin pinalad na makapasok sa final ng 200-meter individual medley SM7.
Laging nakatutok sa Pwersa Balita para sa mga balita na dapat mong malaman! Kami ang Pwersa Balita! Bisitahin rin ang aming mga social media accounts:
https://www.facebook.com/PwersaBalita/
www.youtube.com/@pwersabalita
https://x.com/PwersaBalita
https://www.tiktok.com/@pwersabalita
https://www.instagram.com/pwersabalita/
https://www.threads.net/@pwersabalita
Kenneth Marcos